Di voeult mì pensi al mond che dovarann trà suu i nòster belee, al mond che nunch emm ciappaa e che femm fatiga a cambiall in mej, per lor, domà per lor.
El saria bell s'el mè fioeu el podess viv 'me la "Heidi" (mond utòpich) sora i montagn cont i ganassin ross viv, liber, verament liber de vess quell ch'el voeur luu, e parlà la soa lingua senza che on quajvun ghe dis "te devet parlà domà italian, minga el tò dialett" !
che bell che saria el mond si gh'avariem minga tucc 'sti problemma per tirà innanz con quell pòcch ghe rest de i tassazion ......
voraria dagh on mond pussee segur, pussee pòlit, pussee..... pussee !
che bell el mond di belee: bell, nett, ciar, e spensieraa.
mercoledì 30 gennaio 2008
Iscriviti a:
Commenti sul post (Atom)
5 commenti:
Mi pensi positiv el 99% di voelt che pensi... Ma el mond futur per i noster belee l'è ona mea spina in del fianch: el riessi proppri minga a videl "rosa".
Speri de sbagliass...
Pier
Solitament anca mì gh'hoo el "penser positiv", impunemanch, pròppri perchè son de "natura umana", gh'hoo i mè cinq menud e pensi a tutt quell che se ved (e te fann cred) a la television.....
speri anca mì de sbajamm.
Tè Elena, i toeu Pensee gh'ij emm in tanc, pensi mí: 'sa l'è che ne speccia in de'l Devegnì? El Devegnì el seràa poeu mej de'l Passáa e de'l Present? Ma... Magara anca la Heidi la gh'ha pu na Vida inscí bella e spenserada... T'heet lengiuu el mè Post su la Heidi? :-)
E perchè el gh'ha de vess on "Utopia"? Magara, se ghe proeuvem tucc insemma chell'Utopia chí la divegn na Realtáa...
disi che l'è on "Utopia", perchè nunch gh'emm de fà i cont, cont el lavoreri che l'è inscì special ch'el devom fà chì a Milàn....
l'è minga inscì facil scambià de cà !
Posta un commento