El terz giovedì de Genar seren sòlet i nòster vegg fà festa per l'ann noeuv con la "Gioeubbia". Anca questa l'è ona di tant tradizion de origin araich, celtegh.
Se traa via l'ann vegg per comprend quell noeuv e propizià el regolegg e i fòrtun e marcava el scominci de ona noeuva Vita.
Con la Gioeubbia se cascen via i ròbb vegg, i regòrd minga feliz, e tucc quell che ciaschedun de nunch voeurom tirà a noeuv....
La sira avant de questa, tutt i gent del pòpol catten sù on scalv de legn impassandel vum sora l'alter per fà sù ona bella pigna alta.
In de la mattina apòs se catta sà anca di fust de melgon per podè brusà pussee mej.
Se imbastiss ona sòrta de magattell con di patell de tibè cont el volt de Stria, con ona scova (brugh) in mann: la GIOEUBBIA.
Se picca el foeugh, se balla intòrna, intant che brusa, se conten suu i filastròcch, i liend in lingua Milanesa, e se fann i bosinaa trincand anca el vin brulè.
... Dindaradan Luzia
denter quell cassinòtt
ghe ona veggia Stria
che la fà ballà i pigòtt !
martedì 8 gennaio 2008
Iscriviti a:
Commenti sul post (Atom)
Nessun commento:
Posta un commento