La mia terra (Francesco Magni)

Ona mia amisa, la Anahì l'haa postaa sora el sò blog: la m'è piasuda inscì tant che la pòsti anca chì. La var la penna...... per la nostra amata terra !!!


LA MIA TERRA
Testo e musica di Francesco Magni


La mia terra la va in malora
Cont la roggia, el ciel, el praa
La mia terra la va in malora
Ghè pù nient, pù nient de faa.
In del foss, ghè pù una rana,
E i ratt fan no graa gra
El me Lamber l'è una fogna
Marmelada in mezz ai caa.
E in cort ghera, ghera la gainna
Che l'andava adree al porscell,
Se mangiava la cazzoeula
Se beveva el pincianell
E se brusava la giubiana
Per podè cataa i liritt
E portaghi a la Madona
Poeu corr via giuga' a pee biott
Ma la mia terra la va in malora
Cont la roggia, el ciel, el praa
E la mia terra la va in malora
Ghè pù nient, pù nient de faa.
E pù nissun mett via i tomates
Pù nissun mett giò el furment
Cerchem minga de sconfondes
L'abbondanza d'un bel nient
E ghè restaa una quai veggeta
Ma la mort ie porterà
In un camp lenzoeu de foeuja
Tutt orlaa de margherit.
E se mì moeuri, l'è de vergògna
perché riessi a fà on bèl nient.
Piantom giò i fasoèu de Spàgna
Su la tomba e sont content.
Ma la mia terra la va in malora
Cont la roggia, el ciel, el praa
E la mia terra la va in malora
Ghè pù nient, pù nient de faa.

Un quai coss bisogna faa.