Milàn celtegh: finalment el liber del Museo

Finalment, in del mes de dicember 2007, l'è vegnuu foeura el liber del Museo Archeologico de Milàn (Corso Magenta), in doe che se parla franch de i origin Insubri del nòst Milàn !!!

Civiche Raccolte Archeologiche e Numismatiche di Milano
"Immagini di Mediolanum"
Archeologia e storia di Milano dal V secolo a.C. al V secolo d.C.

€ 25

quistabil presso el Museo de Corso Magenta.

El scomincia, a pag. 13, con "L'anima di Milano", in doe che gh'è scrivuu (el vòlti in Milanès):
...."El fatt l'è che, inscambi, segond i antigh, ogni sitt el gh'aveva ona soa specifica individualitaa, con divinitaa o spiret che seren lì de cà, e l'è important savè cos'è che quij loeugh tegneven, perchè quaivun gh'aveven de vess evitaa, di alter inscambi poeudeven vess de bon pronòstich. Anch la scernida del sitt per la fondazion de Milàn la fà minga eccezion a questa regola: l'è minga de fatt on cas perchè - 'me la dis l'etimologia medem de Mediolanum - se tratta de on "loeugh de mezz", minga in del sens geografich puttost religios, on gran center religios e politegh attòrna al qual se cattaven su, 2500 agn fà lì adree, i confederazion di primm gent, i Celti Insubri."
........

Poeu, in del segond capitol, pag. 21, parlen di .... "pussee potent tribu celtegh d'Italia", i Insubri.

A la fin de la fera semm content che anch i archeologh de vum di Musei pussee important parlen de l'origin celtega de Milàn !!!