Milàn che sciuscia i polmon,
ringhera perfumada de glicin,
acqua ciara, oeucc cristallin
fiolitt che gioghen al Parch Sempion.
Nòtt slusenta
di lumm del nòster Sentiment.
Gh’emm Milàn e poeu pù.
mercoledì 21 novembre 2007
Iscriviti a:
Commenti sul post (Atom)
17 commenti:
Osti, te voeret guadagnas l'Ambrogino d'oro!
Corta e bela! Me piass de bon.
Pier
L'Ambrogino d'oro ghe l'hoo gianmò in del mè Coeur :D
Ah, hoo capì, el toe marit.
Pier
Sì ma anca el mè fioeu e el mè Milàn :D
Poetessa...
Pier
P.S. Forsì l'è mej cancilàa i ultim 3 post.
T'hee capii! Alter che grammatica,chì gh'èmm ona poetèssa.In cofidenza, hoo cominciaa anca mì a studià on poo la Metrica, la Rima, la Strofa, el settenario e l'endecasillabo, me sont on poo ingarbujaa; ma quand ghe sarà l'occasion te faroo sentì, inscì ridarii in trii Tì, el Pier e el Davide. Ciao Edo
Ma varda, te disaroo ....
mì hoo semper scrivuu "a sentiment" e minga con metrica, rima, e tutt quej ròbb lì.
Se voeurii, mì son ben contenta se anca vialter voeurii mett i vòster poesii.
Inscì fasemm anca pratega con la grammatega e ortografia.
Sen disen ?
La toa disponibilità l'è fantastica e per quèst te ringrazi. Ma adèss te spieghi(cont on esempi) qual'è la mia filosofia vèrs la poesia. Quand vun el voeur diventà on pittor, second mì, el studia el disegn, la prospettiva, la mescolanza di color e via; Poeu el comincia a copià da alter quader, poeu da on modèll e per ultim dal ver. Quand l'ha ben imparaa, el comincia dagh alla soa pittura l'impronta, la tendenza, "lo stile" che pussee che pias. E inscì mi voraria fà con la poesia: prima studià on poo i basament e poeu spegascià. Se te ne diset? Ciao Edo
Caro Edo, mì disi che ciaschedun a dev sentiss liber de esprimess com'è ch'el voeur luu.
Per mì, personalment, quell che tì t'ee dì l'è giust sora l'idea pussee tecnica de la poesia.
Mì, inscambi, quand che gh'hoo ona ispirazion scrivi la mea poesia perchè quella ispirazion la passa.... devi ciappà el moment ch'el vegn.
Poeu quand ch'hoo finii de scriv, allora vardi de mettela apòst con la grammatega, e alter ròbb.
Ma se a on quei vun gh'è scapaa de pitturaa o poetaa me la mettum?
Se la tegn, la voia...?
Pier
'ste voeuret dì ?
el scriv o el pittura no ?!
ghe calaria alter, vum el fà quell che voeur, quell che se sent in del coeur.
Apppunto! Quel che voerevi dì.
Pier
a l'Edo: el mè consili l'è de tacà a legg e scrif. Se po anca tacà sòtt a scrif senza legg i laorà di alter, ma de spess i òper di alter te dann pròpi 'na man.
Se te voeuret anca studià la metrica, te fee ben ma sta'tent che doprala l'è minga propi modern...
dònca, a foo la maestrinna con i noeud de ortografia, inscì fasemm pratega ...
"el mè consilli l'è de taccà legg e scriv. Se pò anca taccà sòtta scriv senza legg i lavorà di alter, ma despess i òpra di alter te dann pròppri 'na mann.
Se te voeuret anca studià la metrica, te fee ben ma staga 'tent che dopralla l'è minga pròppri modern...."
In Milanès se scriv "v" e se legg "f".
Fantastic! La maestrina! L'è proppi quel che spiciavi...
Inscì se fa par dà ona man concreta a i asen me mi.
Pier
:P hoo capii... ma a mì me pias minga scriv/scrif inscì...
Te piasarà minga ma l'è inscì che se scriv in Milanès ortograficament corrett :D :P
Posta un commento