Al contrari del preseppi ch'el gh'haa la soa origin in del 1223 (S. Francesco da Assisi), l'erbol de Nadal, fonda i sò origin in de la cultura celtega.
L'erbol l'era l'abiezz (abete) e in de la lingua celtega el se ciamava "Ailm".
Rappresentava el divin protettor del dì de Nadal, "Yule", (ch'el voeur dì "roeuda") che celebrava el Solstizi de l'Inverna (21-22 dicembre) e l'era consideraa simbol de comunicazion intra el firmament e la greva; rappresentava la ricerca interna de l'Anema.
Ailm l'era l'erbol dedicaa a la nascita, ai origin, simbol divin de immortalitaa.
Al dì del Solstizi de Inverna el So ciappava el sò cors versa i giornad pussee lòngh, quand che se celebrava el So belee, Belenos, el noeuv.
El simbol del rinnovament de la Vita de pon dinnanz a l'entrada de cà.
Seren sòlet tajà via a nett on abiezz vegg de mett in de la piazza di borg: a la nòtt faseven di falò per rappresentà la lus noeuva.....
martedì 18 dicembre 2007
Iscriviti a:
Commenti sul post (Atom)
4 commenti:
Brugh, te see on pozz de scienza, su i argoment cèltich te batt nissun. Grazie per la cultura che te ghe dett a num tutti. Edo
.... e pensa che ghe n'hoo anmò !!! l'è minga finida chì.
El simbol solar a l'è el pussee antigh: i nòster vegg el cognosseven de bon...
Còssa l'è el simbòl solar? Edo
Simbol solar, el voeur dì che l'è on simbol ligaa al Dè del So che l'era Belenos, sicchè dònca el simbol pussee fòrt de quest Dè l'era l'erbol Ailm.
Posta un commento