Magg a l'è el mes pussee bel.
L'è dedicaa a la Madonna e, chì a Milàn, a la Madonnina dorada del Dòmm :D
In quel mes chì vegnen bon i Magioster, i spargitt, i scires, e tutta la Natura la deven pròspera de bon.
Ma el 1° de Magg a l'è anch el "Caren de Magg" o "Calendimaggio", el dì de Beltaine, la festa celtega de la dea Belisama.
In quella festa chì, prima de devegnì la festa di lavoreri, se pon in mezz a la piazza de cittaa e paes el "pal de Magg" o "pal de la Cuccagna" ch'el gh'haa in s'cima on serc. Quij pussee fòrt di gent el tenta de 'ndà sora in s'cima per cattà sù tutt i frutt ch'hann miss.
Tutt attòrna metten i fior e a la fin de la gara, se balla e se bev.
"Magg de stagion, segra e formenton"
"Magg ortolan, tanta paja e pòcch gran"
"Magg ventos, ann sostanzios"
"S'el castan el sfioriss de magg vagh sòtt col sacch, s'el sfioriss de giugn streng el pugn"
martedì 29 aprile 2008
Iscriviti a:
Commenti sul post (Atom)
2 commenti:
Brianzolitudine el scriv:
Proverb de magg:
La var pussee ona giornada de sol de magg che tutt el Dòmm de Milan.
Se el pioeuv al dì de l'Ascenza, per quaranta dì semm senza.
Se el pioeuv al dì de l'Ascension, la frutta la và tutta in perdizion.
I peccaa de la pata i perdona ogni grata. (el se diss perchè al mes de Magg se inizia a 'nà in camporella, e i tosann pentii van dal prevet a confessass).
OH mia bèla madonnina, che te brillet de lontan... :D
Posta un commento