Rezett antigh Milanès

Bon ann !
Scominciom sta carrelada de rezett cont ona tipega Milanesa: la coteletta.
Quella vera a l'è domà Milanesa de Milàn e minga alter.
La gh'ha on diameter de 15 cm, l'è de buscìn o purscell ma rigorosament con l'òss, che occupa tutt on piatt largh e la ven servita croccanta e profumada, dorada in de la panadura.

Ingredient per 4:
4 cotelett de buscìn o purscell
100 g de butter
2 oeuv
pan sbroeusger grattà giò
farina (q.b.)
sal.

I cotelett de buscìn gh'hann de vess battuu on ciccin, finna a la grossezza de l'òss.
I oeuv gh'hann de vess sbattuu in d'una fondina cont on spizzeghin de sà.
Passà ciascheduna coteletta in de l'oeuv, la farina e poeu in del pan grattà in del moeud che l'è poggià ben ben a la carna. Repett l'operazion 2 vòlt.
In d'un biellìn fà spregnaccà el butter a foeugh moderaa, giuntà i cotelett e coeus in d'un sens e in de l'alter finna a la doradura.