La Rai contra i lingov minoritai

In quella settimana chì, gh'è staa on gibileri de nò dì, con cinqu spot che la Rai l'haa miss "on-line", in doe che diss a tucc i italian de pagà el canone.
Sì ma el bell a l'è che in quist spot chì diseven in pratega che tutt i lingov minoritari a hinn de trà via, perchè el var pussee l'italian:



Allora sora el Facebook a l'è nassuu on grupp spontanei de TUTT i gent d'Italia che ghe voeuren ben a la pròpria lingua mader: de nord a sud adsedess a hinn gianmò pussee de 3.000 gent !!!

http://www.facebook.com/home.php?sk=group_181723511840962&ap=1

Se anch vialter ghe tegnì ai vòster lingov iscrivevess !!!!

La sacra Madonnina: Belisama !

Belisama, la dea protettora di tucc i Milanès, de Milàn Insubre, Celtegh.... la sacra Madonnina che la varda giò i sò fioeu !

La Cà del Sol ch'el nass

De ona canzon famosa "The house of rising sun", questa chì a l'è la version cantada in lingua Milanesa

Piva Piva

On filmaa per divertiss...

Protesta còntra la Rai che gh'haa sprezz di dialett italan

El cress semper pussee el blog nassuu sora el Facebook, per protestà còntra i spot Rai che gh'hann sprezz di nòster lingov e di nòster dialett.

"Il Corriere" el parla anch luu de la protesta:

http://linguedialetti.splinder.com/post/23740151

Trii liber scrivuu in Milanès

Hoo ciappaa del temp, impunemanch son rivada in del mes de november, e hoo fà sù on bel lavoreri (modestament): hoo dà a la stampa 3 noeuv liber: "Andeghee Milanes", "Parlii Milanès ai vòster fioeu" e, l'ultem, el pussee complicaa, "Menisc Mes'ciozz".

I poeudii crompall a la Feltrinelli e sora quell sitt chì:

http://ilmiolibro.kataweb.it/schedalibro.asp?id=557513

http://ilmiolibro.kataweb.it/schedalibro.asp?id=541526

http://ilmiolibro.kataweb.it/schedalibro.asp?id=556876